Amika Shail rings in birthday with a star-studded celebration

Singer-turned-actress Amika Shail celebrated her birthday in style at Cava Lounge. The versatile artist, is known for her roles in
television, films, and web shows such as Udaan, Divya Drishti, Balveer Returns, Maddam Sir, Laxmmi, Mirzapur 2, Abhay, Chattis Aur Maina,Builders, Gandii Baat 3, among others, marked the occasion with a
star-studded gathering.
Amika’s journey from singing to acting has been nothing short of remarkable. Starting with aspirations of becoming a singer, she
unexpectedly transitioned into acting after a call for an audition seeking a singer-actor. Reflecting on her journey, Amika expressed her desire to continue both singing and acting, stating, “I’ll go for what feels best for me, what I find fulfilling, and seize any good opportunities that come my way. From television to OTT platforms and
films, it’s been a gradual progression.”

The birthday celebration brought together prominent personalities like Sunil Pal, Kamaal Rashid Khan (KRK), Director Hriday Shetty, Rakesh Kukreti, and actor-director Abhinav Anand, among many others. Sunil Pal praised Amika, describing her as a “superstar for everyone” who excels on various OTT platforms.

As Amika continues to captivate audiences with her talent, the celebration of her birthday becomes a testament to her growing
influence and success in the entertainment industry. “I urge everyone to watch Builders on Amazon by TVF. We have put a lot of effort into the character – be it the scripting, the dialogues, the direction, or the acting. My wish for the upcoming year revolves around the well-being and happiness of my family and friends. I aspire to make my parents proud by achieving greater success in Mumbai. I am not a huge party animal, but when I am with friends or family, I do enjoy partying,” added Amika as she signed off for the moment.

Here is to a year filled with new achievements and milestones for the versatile artist.

By Sunder M

नेहा महाजनच्या ‘फेक मॅरेज’ चित्रपटाचा वर्ल्ड डिजिटल प्रीमियर ‘अल्ट्रा झकास’ मराठी ओटीटीवर!

मुंबई: लग्न म्हणलं की नातेवाईक आणि समाज यांचा प्रत्यक्ष अप्रत्यक्षरित्या मोठा सहभाग असतोच. मानपान, रूसवे फुगवे, दिखावे आणि देखाव्यांचा कार्यक्रम साहजिकच आहे, पण जर का खरं खरं झालेलं लग्न खोटा खोटा दिखावा असला तर? फेक मॅरेज मधील जर तरच्या धमाल गोष्टीत बऱ्याच कमाल घटना घडणार आहेत. ‘६ नोव्हेंबर २०२३’ रोजी ‘अल्ट्रा झकास’ या मराठी ओटीटीवर या चित्रपटाचा ‘वर्ल्ड डिजिटल प्रीमियर’ होणार आहे.

चित्रपटाचे दिग्दर्शन स्वतंत्र (सवि) गोयल यांनी केले असून नेहा महाजन आणि भूषण प्रधान यांची सुपरहिट जोडी प्रेक्षकांना चित्रपटात पहायला मिळणार आहे. चित्रपटाची कथा अवनी (नेहा महाजन) आणि तिच्या कलेक्टर होण्याच्या स्वप्नाभोवती फिरते. आपलं स्वप्न मुंबईला जाऊन पूर्ण होऊ शकेल म्हणून तिला आलेल्या स्थळाला तिचा होकार येतो आणि तिचा स्वप्नांचा पाठलाग सुरू होतो. स्वप्नांच्या मागे धावताना नाती आणि नात्यांतील होणारे बदल तिच्या आयुष्याला एका अनपेक्षित वळणावर घेऊन जातात. अवनी तिचं स्वप्न साकार करेल की नाही? हे चित्रपटात पाहायला मिळणार आहे.

“तरुणांची स्वप्न आणि त्यांचं त्या स्वप्नांमागे बेभान होऊन धावणं या चित्रपटात प्रखरपणे चित्रित केले आहे.’फेक मॅरेज’ याची कथा उपदेशक असून यासारखे अनेक चित्रपट भारताच्या भविष्याला म्हणजेच आजच्या तरुणांना आपलं ध्येय साधण्यासाठी मनोरंजनासोबतच एक प्रेरणा म्हणून ‘अल्ट्रा झकास’ ओटीटीच्या माध्यमातून प्रदर्शित करणार आहोत.” असे अल्ट्रा मीडिया अँड एंटरटेनमेंट प्रा.लिमिटेडचे सी.ई.ओ. श्री. सुशीलकुमार अग्रवाल म्हणाले.

नवनवीन चित्रपट पाहण्यासाठी :- https://www.ultrajhakaas.com/marathi-movies

‘जर तर ची गोष्ट’ नाटकाचा महाराष्ट्रात धुमाकूळ
आतापर्यंतचे सगळे प्रयोग ‘हाऊसफुल्ल’

सध्या सर्वत्र चर्चेचा विषय बनलेले नाटक म्हणजे अद्वैत दादरकर, रणजित पाटील दिग्दर्शित ‘जर तर ची गोष्ट’. सोनल प्रॉडक्शन निर्मित, इरावती कर्णिक लिखित या नाटकाने सध्या सर्व नाट्यगृहांबाहेर ‘हाऊसफुल्ल’चा बोर्ड झळकळवला आहे. ५ ऑगस्टपासून नाट्यरसिकांच्या भेटीला आलेल्या या नाटकाने आतापर्यंत सुमारे १५ प्रयोग केले असून हे सर्व प्रयोग हाऊसफुल्ल गेले आहेत. यावरूनच हे नाटक प्रेक्षकांच्या पसंतीस उतरत असल्याची पोचपावती आहे. प्रिया बापट सादर करत असलेल्या या नाटकाचे निर्माते नंदू कदम आहेत, तर या नाटकात प्रिया बापट, उमेश कामत, पल्लवी अजय आणि आशुतोष गोखले यांच्या प्रमुख भूमिका आहेत. दहा वर्षांनी प्रिया बापट आणि उमेश कामत एकत्र रंगभूमीवर काम करत असल्याने, त्यांच्या चाहत्यांना त्यांना पाहण्याची विशेष उत्सुकता आहे. या नाटकावर सर्व वयोगटातील प्रेक्षकांकडून कौतुकाचा वर्षाव होत आहे. कुठेतरी प्रत्येकाच्या आयुष्याशी साधर्म्य साधणारे हे नाटक प्रेक्षकांना प्रचंड आवडत आहे.

https://instagram.com/stories/prasadbarveofficial/3178557046218081598?utm_source=ig_story_item_share&igshid=MzRlODBiNWFlZA==

या यशाबद्दल निर्माते नंदू कदम म्हणतात, ”पहिल्या दिवसापासून नाटक हाऊसफुल्ल जात आहे. खूप आनंद होतोय. या नाटकातील कलाकार जितक्या ताकदीचे आहेत. तितकेच दर्जेदार या नाटकाचे लेखनही आहे. हा दुग्धशर्करा योग जुळून आल्यानेच हे नाटक नाट्यरसिकांना आवडत आहे. आतापर्यंत मुंबईत आणि पुण्यात झालेल्या प्रयोगावरून आम्हाला अंदाज येतोय की पुढील प्रयोगही असेच हाऊसफुल्ल असतील. तिकीटविक्री सुरु झाल्यापासून अवघ्या काही तासांमध्येच हे शो फुल्ल होत आहेत. अनेक प्रेक्षक याबाबत खंतही व्यक्त करत आहेत. यावरूनच हे नाटक पाहण्यासाठी प्रेक्षक किती उत्सुक आहेत, याची कल्पना येतेय. आमच्या रसिक प्रेक्षकांसाठी जास्त प्रयोग लावण्याचा मी नक्कीच प्रयत्न करू.”

प्रेक्षकांकडून मिळणाऱ्या प्रतिक्रियांबद्दल प्रिया बापट आणि उमेश कामत म्हणतात, ” प्रेक्षकांना आम्हाला रंगमंचावर एकत्र पाहण्याची इच्छा होती आणि दहा वर्षांनंतर ती पूर्ण झाली. ‘जर तर ची गोष्ट’ला नाट्यरसिकांकडून मिळणाऱ्या प्रेमामुळे आम्ही भारावून गेलो आहोत. नाटक संपल्यावर प्रेक्षक आम्हाला आवर्जून भेटायला येत आहेत. नाटकाचं, आमचं कौतुक करतात. सोशल मीडियावरही अनेकांचे संदेश येत आहेत. अनेकांना हे नाटक पुन्हा पाहण्याची इच्छा आहे. नाटकाबद्दलच्या या सकारत्मक प्रतिक्रिया मनाला उभारी देणाऱ्या आहेत. तुमच्या सर्वांचे हे प्रेम पाहून आम्हाला अधिक उत्तम काम करण्याची ऊर्जा मिळते. कलाकाराला याहून जास्त काय हवं.”

-By Sunder M

यासाठी पाहावा ‘सुभेदार… गड आला पण…’

शिवकालीन इतिहासातील अजरामर योद्धा असलेल्या सुभेदार तानाजीराव मालुसरे यांच्या पराक्रमाची गाथा सांगणारा ‘सुभेदार… गड आला पण…’ हा चित्रपट संपूर्ण महाराष्ट्रात प्रदर्शित झाला आहे. या चित्रपटाच्या निमित्ताने लेखक-दिग्दर्शक-अभिनेता दिग्पाल लांजेकर यांनी पुन्हा एकदा रसिकांना शिवकालीन इतिहासात नेण्याचं शिवधनुष्य यशस्वीपणे पेललं आहे. चहूबाजूंनी या चित्रपटावर कौतुकाचा वर्षाव होत असून, प्रेक्षकही प्रचंड उत्साहात ‘जय भवानी, जय शिवाजी’च्या घोषणा देत ‘सुभेदार… गड आला पण…’ पाहण्यासाठी गर्दी करत आहेत.

‘सुभेदार’ हा चित्रपट छत्रपती शिवाजी महाराजांच्या सैन्यदलातील शूरवीर योद्धे सुभेदार तान्हाजीराव मालुसरे यांच्या जीवनातील महत्त्वाच्या टप्प्यांवर प्रकाशझोत टाकणारा आहे. या चित्रपटाचा विषय केवळ किल्ले कोंढाण्यापुरता मर्यादित नसून, सुभेदार मालुसरेंच्या भावनिक रूपाचं यथार्थ दर्शन घडवणारा आहे. सुभेदारांचे छत्रपती शिवाजी महाराज, राजमाता जिजाऊ आऊसाहेब, पत्नी, मुलगा, भाऊ, मामा यांच्याशी असलेलं नातं अधोरेखित करणारा आहे.

त्या संदर्भातील अत्यंत भावनिक करणारे प्रसंग या सिनेमात अत्यंत प्रभावीपणे सादर करण्यात आले आहेत. त्या काळातील आजूबाजूची सामाजिक परिस्थितीवर प्रकाश टाकणारे अनेक प्रसंग ‘सुभेदार’मध्ये आहेत. उदाहरणार्थ जना गराडीणचा प्रसंग… अलका कुबल यांनी ती भूमिका सुरेखरीत्या साकारली आहे. एका भाबड्या स्त्रीच्या बोलण्यातून छत्रपती शिवाजी महाराज कसे त्यांच्या गड-किल्ल्यांविषयी महत्त्वाची भूमिका घेतात हे दाखवण्यात आलं आहे.

छत्रपती शिवाजी महाराज आग्य्राहून परतल्यानंतर आऊसाहेब आणि त्यांची अत्यंत भावनिक व हृद्य भेट दर्शवणारा प्रसंग डोळ्यांच्या कडा ओलावणारा आहे. प्रत्यक्ष सिंहगडाची भौगोलिक माहिती आणि सिंहगड का जिंकायला हवा याची विविध कारणं या चित्रपटात विस्तृतपणे मांडण्यात आली आहेत. ही माहिती संपूर्णपणे ऐतिहासिक आणि भौगोलिक तथ्यांवर आधारलेली आहे. त्यामुळे हा चित्रपट शिवकालीन इतिहासातील सुवर्णपान असलेल्या एका महत्त्वपूर्ण अध्यायाची अधिकृत आणि इत्तंभूत माहिती देतो.

आजवर प्रदर्शित झालेल्या शिवराज अष्टकातील चारही चित्रपटांनी रसिकांच्या मनाचा ठाव घेतला असून, ‘सुभेदार’साठी दिग्पाल लांजेकर यांनी ऐतिहासिक दस्तऐवजांच्या आधारे केलेले अभ्यासपूर्ण लेखन आणि दिग्दर्शन रसिकांना शिवकाळात नेणारे आहे. अजय पूरकर यांनी तान्हाजी मालुसरेंची शीर्षक भूमिका सशक्तपणे साकारली आहे. जिजाऊंच्या भूमिकेतील मृणाल कुलकर्णी यांनी, छत्रपती शिवाजी महाराजांच्या भूमिकेतील चिन्मय मांडलेकर यांनी आणि तान्हाजीरावांच्या व्यक्तिरेखेतील अजय पूरकर यांनी आपापल्या व्यक्तिरेखेच्या वयातील विविध टप्पे उत्तमरीत्या सादर केले आहेत. या सर्वच मातब्बर कलाकारांच्या कसदार अभिनयाची छाप या चित्रपटावर उमटल्याचं पाहायला मिळतं. उदयभान राठोडच्या भूमिकेत दिग्विजय रोहिदास हा नवीन कलाकार लक्ष वेधून घेतो. दिग्विजय जरी नवोदित असला तरी उदयभानच्या व्यक्तिरेखेत कुठेही नवखेपणा जाणवणार नाही अशा तऱ्हेने त्याने ही व्यक्तिरेखा साकारली आहे. उदयभान या व्यक्तिरेखेच्याही विविध बाजू या चित्रपटात आहेत.

तांत्रिक बाबींमध्ये प्रियांका मयेकरचं छायाचित्रण उत्तम आहे. यापूर्वी शिवराज अष्टकमधील प्रदर्शित झालेल्या चार चित्रपटांच्या तोलामोलाची किंवा त्याहीपेक्षा सुरेख सिनेमॅटोग्राफी यात आहे. या चित्रपटातील गाणी खूप गाजत असून, सगळी चार्टबस्टर आहेत. प्रसंगानुरूप पार्श्वसंगीत ही या चित्रपटाची आणखी एक जमेची बाजू आहे. शेवटच्या युद्धाचं डिझाईन खूप जोरकस झालेलं असून, थरार वाढवणारं आहे. सिंहगडावर तान्हाजी मालुसरे आणि त्यांचे मावळे प्राणपणाने लढत असताना ते कधी विजयी होतात याची छत्रपती शिवराय राजगडावर आतुरतेनं वाट पाहात असलेल्या प्रसंगाची भावनिक किनारही यात आहे. राजांच्या बाहुंमध्ये सुभेदार प्राण सोडतात तो अतिशय रोमांचक आणि हेलावून टाकणारा क्षणही यात आहे. याखेरीज अन्य तांत्रिक बाजूही लक्ष वेधून घेणाऱ्या आहेत. एकूणच सुभेदार तानाजीराव मालुसरे या व्यक्तिमत्त्वाचा सर्वांगीण धांडोळा घेणारा हा चित्रपट आहे. यातील तान्हाजीरावांच्या प्रशासकीय व कुटुंबवत्सल रुपासोबत त्यांच्यातील योद्धाही मनात खोलवर ठसतो आणि कायमचा स्मरणात राहणारा ठरतो.

By Sunder M

‘बापल्योक’ मध्ये झळकणार नागराज-मकरंदचा नवा चेहरा पायल जाधव

अनेक प्रसिद्ध दिग्दर्शकांनी नेहमीच प्रतिथयश कलाकारांसोबत नवोदितांनाही आपल्या चित्रपटांद्वारे रुपेरी पडद्यावर ब्रेक देण्याचं काम केलं आहे. यापैकी अनेक नावारूपाला आले तर काही पुढे सुपरस्टारही झाले. आज मराठी सिनेसृष्टीत आघाडीवर असलेल्या दिग्दर्शक नागराज मंजुळे आणि मकरंद माने यांनीही नेहमीच रॅा टॅलंटचा शोध घेऊन गाव-खेड्यांतील कलाकारांसाठी झगमगत्या चंदेरी दुनियेचं द्वार खुलं केलं आहे. नागराज आणि मकरंद यांच्या ‘बापल्योक’ या आगामी मराठी चित्रपटाद्वारे पायल जाधव ही नवोदित अभिनेत्री सिनेसृष्टीत दाखल होणार आहे. राष्ट्रीय पारितोषिकाला गवसणी घालणाऱ्या दिग्दर्शक नागराज मंजुळे आणि दिग्दर्शक मकरंद माने यांचा ‘बापल्योक’ हा आगामी चित्रपट २५ ऑगस्टला प्रेक्षकांच्या भेटीला येणार आहे. या चित्रपटाचे नागराज मंजुळे प्रस्तुतकर्ते आहेत.‘नाईंटीनाईन प्रोडक्शन्स’चे विजय शिंदे, आणि बहुरूपी प्रोडक्शन्स’च्या शशांक शेंडे आणि मकरंद माने यांनी या चित्रपटाची निर्मिती केली असून दिग्दर्शन मकरंद माने यांचे आहे.

मूळचे शेतकरी असलेले पायलचे वडील पाण्याच्या दुर्भिक्ष्यामुळे गाव सोडून पुण्यात आले. सरस्वती विद्यामंदिरमध्ये शिपाई म्हणून काम करू लागले. याच शाळेत पायलने प्राथमिक शिक्षण पूर्ण केलं आणि नंतर पुणे युनिव्हर्सिटीतून मास्टर्स इन हेल्थ सायन्समधून पदवी घेतली. ललित कला केंद्रामध्ये ‘मास्टर्स इन भरतनाट्यम’ केले. आता ‘बापल्योक’ या चित्रपटात ती मुख्य भूमिकेत झळकणार आहे. याबाबत ती म्हणाली की, ‘बापल्योक’ हा चित्रपट माझ्यासाठी स्पेशल आहे. या सिनेमाने मला नवी वाट दाखवली. मकरंदसर, शशांकसर, विजय शिंदे, नीनाताई, योगेश कोळीसर, विजय गावंडे सर यांच्याकडून मोलाचं मार्गदर्शन लाभलं. एक प्रयोगशील अभिनेत्री म्हणून स्वत:ला सिद्ध करण्याचा नेहमीच प्रयत्न असेल, असेही पायल म्हणाली.

एक फ्रेश चेहरा ही ‘बापल्योक’ या चित्रपटाच्या पटकथेची खरी गरज असल्याने आॅडीशन घेऊन बऱ्याच तरुणींमधून पायलची निवड केल्याचं मकरंद माने यांनी सांगितलं आहे. ते म्हणाले, पायल जरी नवखी असली तरी तिने खूप मेहनत घेऊन आपली व्यक्तिरेखा चित्रपटात आत्मविश्वासाने साकारली आहे.

https://www.instagram.com/reel/CveIBF-pHZO/?igshid=MTc4MmM1YmI2Ng==

-By Sunder M

‘बलोच’मध्ये दिसणार मराठ्यांची असीम शौर्यगाथा

पानिपतच्या पराभवानंतर बलुचिस्तानतील गुलामगिरीत होरपळलेल्या मराठ्यांची आणि तिथल्या भयाण वास्तवाचे दर्शन घडवणारा ‘बलोच’ चित्रपट येत्या ५ मे रोजी प्रदर्शित होत आहे. सीमेपार लढलेल्या मराठ्यांची विजयगाथा सांगणाऱ्या या चित्रपटाचे दिग्दर्शन प्रकाश जनार्दन पवार यांनी केले असून विश्वगुंज पिक्चर्स आणि कीर्ती वराडकर प्रस्तुत ‘बलोच’मध्ये प्रवीण विठ्ठल तरडे आणि अशोक समर्थ प्रमुख भूमिकेत आहेत. नुकतेच या चित्रपटाचे मोशन पोस्टर सोशल मीडियावर प्रदर्शित झाले आहे.

पानिपतचा पराभव मराठ्यांसाठी महाप्रलयच ठरला. या पराभवानंतर बलुचिस्तानात मराठ्यांना गुलामगिरी पत्करावी लागली. मोशन पोस्टरमध्ये प्रवीण तरडे यांच्या नजरेत मराठ्यांना मिळणाऱ्या वागणुकीविरोधात धगधगणारी आग आणि सूड भावना दिसत आहे तर मराठ्यांवर अत्याचार करणारा अफगाणी आहे. पानिपतची लढाई आणि पराभव ही मराठेशाहीसाठी जरी काळा दिवस असला तरी मराठी ही मराठ्यांच्या असीम शौर्याची गाथा आहे, जी ‘बलोच’च्या माध्यमातून आपल्यासमोर येणार आहे.

चित्रपटाबद्दल दिग्दर्शक प्रकाश जनार्दन पवार म्हणतात, ”बलोच ही एक सकारात्मक गोष्ट आहे. यापूर्वी आपण पानिपतबद्दल ऐकले आहे, ते केवळ पराभवाबद्दलच आहे. मात्र पानिपतच्या युद्धानंतर जेव्हा गुलामीच्या अवस्थेत असताना पुन्हा एकत्र येणे, संघर्ष करणे, ही गोष्ट प्रामुख्याने दाखवण्यात आली आहे. पानिपतचे युद्ध हे पराभव नसून शौर्य होते. हा चित्रपट पाहिल्यावर हा अभिमान प्रेक्षकांना जाणवेल आणि पानिपतकडे बघण्याचा दृष्टिकोन बदलेल, अशी मला आशा आहे.”

कथा, पटकथा प्रकाश जनार्दन पवार यांची असून महेश करवंदे (निकम), जीवन जाधव, गणेश शिंदे, दत्ता काळे (डी के), जितेश मोरे, संतोष बळी भोंगळे, नेमाराम चौधरी, बबलू झेंडे, गणेश खरपुडे, ज्ञानेश गायकवाड चित्रपटाचे निर्माते आहेत. तर पल्लवी विठ्ठल बंडगर, सुधीर वाघोले, विजय अल्दार सहनिर्माते आहेत.

By Sunder M

आरजे रेखा यांच्या ‘मुझसे कहते तो’ या पहिल्या काव्यसंग्रहाचे उद्घाटन करण्यात आले

राकेश बेदी, संदीप मारवाह यांच्यासह देशातील अनेक ज्येष्ठ साहित्यिक आणि लेखक सहभागी झाले होते. प्रसिद्ध रेडिओ जॉकी, व्हॉईस आर्टिस्ट आणि टीव्ही अँकर आरजे रेखा यांच्या पहिल्या कविता संग्रह ‘मुझसे कहते तो’ चे उद्घाटन ११ मार्च २०२३ रोजी इंडिया इंटरनॅशनल सेंटर ऑडिटोरियममध्ये करण्यात आले. विविध विषयांचा समावेश असलेल्या ७० महत्त्वाच्या कवितांनी सजलेल्या या संकलनाचे उद्घाटन चित्रपट, माध्यम आणि साहित्य जगतातील मान्यवरांनी केले. प्रख्यात चित्रपट अभिनेते व कलाकार राकेश बेदी, मारवाह स्टुडिओ नोएडाचे अध्यक्ष संदीप मारवाह, ज्येष्ठ साहित्यिक लक्ष्मी शंकर बाजपेयी, सुप्रसिद्ध कवी-पत्रकार पंडित सुरेश नीरव, शिक्षणतज्ञ-कवी आणि उद्भव संस्थेचे अध्यक्ष डॉ. विवेक गौतम उपस्थित होते. या सोहळ्याला लेखक, अभिनेता आणि दिग्दर्शक जाहिद एम शाह आणि सामाजिक कार्यकर्ते एमके यादव उपस्थित होते. एफ.एम.गोल्ड आणि बीबीसी चे आर. जे. रेखाने जगातील अनेक महत्त्वाच्या घटना आणि उत्पादनांच्या प्रमोशनमध्ये आपला आवाज आणि उपस्थिती दिली आहे. तिच्या कवितांच्या संदर्भातही उपस्थित लेखकांचे स्पष्ट मत होते की, चांगली कवयित्री बनण्याचे सर्व गुण तिच्यात आहेत आणि तिला सातत्याने लेखन सुरू ठेवावे लागेल. या भव्य कार्यक्रमाचे आयोजन आणि आयोजन करण्यात ज्या संस्था आणि व्यक्तींचे सहकार्य आणि समर्पण होते त्यात ज्येष्ठ पत्रकार रणवीर गेहलोत, महानगर मेलचे समूह संपादक, व्हॉईस ओव्हर आर्टिस्ट मनीष त्रिपाठी, अभिनेत्री प्रिया सिंग, आरजे आणि एपीएन न्यूजचे पत्रकार रवींद्र सिंग, ज्येष्ठ पत्रकार राजू. बोहरा, सामाजिक कार्यकर्ते अजय बसोया, ओपन सर्च ग्रुपचे संपादक विजय कुमार, व्हिडीओ एडिटर मुकेश टमटा, पत्रकार नवीन खटी, पत्रकार सुनीता तिवारी, शीतल चौहान, विवेक राठौर, पत्रकार धर्मेंद्र कुमार आदींची प्रमुख उपस्थिती होती. या कार्यक्रमात आपले निवेदन देताना अत्यंत संवेदनशील हृदय असलेल्या आर.जे. रेखा भावूक झाल्या. या क्रमाने त्यांनी उपस्थित लोकांसाठी त्यांची उत्कृष्ट कविताही ऐकवली. समारंभात त्यांची आई निर्मला देवी, वडील मामचंद आणि माजी शिक्षक श्री.मती मधु, श्रीमती कविता जैन, श्री. हरीश जोशी यांच्यासह देशाच्या विविध भागातून आलेले त्यांचे श्रोते सुरेंद्र खुराना, नवाब अहमद भारती, सलीम अख्तर, प्रेम चंद. प्रेमी, अनिल ठाकूर, फारुख अली, दिलावर खान, रतीश मल्होत्रा, अनिल शर्मा, मोहम्मद सईद अब्बासी आणि बॉलीवूड अभिनेता कुलदीप शर्मा, आकाशवाणीच्या विनिता ठाकूर, प्रीती मोहन, अवधेश आर्य, अरुण होरा, रूपा धवन, मनोज कुमार, पोनेट यांच्यासह मान्यवर अरविंद त्यागी “नालायक” कवयित्री नेहा नाहाटा, कवी विजय मित्तल, मित्र राजकुमार, देवराज, आणि भाऊ, वहिनी, बहीण यांच्यासह संपूर्ण कुटुंब उपस्थित होते.
यावेळी ज्ञान लक्ष्मी प्रॉडक्शन निर्मित ‘भुला सको तो कहो’ या गाण्याचे पोस्टर, या पुस्तकातील कविता असलेल्या म्युझिक अल्बमचेही प्रकाशन करण्यात आले. ज्यामध्ये अभिनेत्री प्रिया सिंह मुख्य भूमिकेत दिसणार आहे, ज्याची निर्मिती रणवीर गेहलोत करणार आहे.

(छाया: रमाकांत मुंडे)

By SundeR M