‘एकदा येऊन तर बघा’ चित्रपटाची टीम बाप्पाच्या चरणी
लेखक-दिग्दर्शक प्रसाद खांडेकर मातब्बर विनोदवीरांना घेऊन *२४ नोव्हेंबरला ‘एकदा येऊन तर बघा*’ हा धमाल विनोदी चित्रपट प्रेक्षकांसाठी घेऊन येत आहे. 
लालबाग, परळ परिसरातील बाप्पाचे दर्शन घेत या चित्रपटाच्या टीमने प्रमोशनला धडाक्यात सुरुवात केली आहे. अभिनेत्री नम्रता संभेराव, वनिता खरात, अभिनेता प्रसाद खांडेकर, राजेंद्र शिसातकर, रोहित माने चित्रपटातील ही मंडळी यावेळी उपस्थित होती.
By Sunder M
‘बॉईज ४’ चा चौपट धमाका
जबरदस्त टीझर प्रेक्षकांच्या भेटीला
विशाल सखाराम देवरूखकर दिग्दर्शित ‘बॅाईज ४’ या चित्रपटाचे भन्नाट टीझर सोशल मीडियावर प्रदर्शित झाले आहे. काही दिवसांपूर्वीच या कलाकारांचे पोस्टर झळकले होते. यात सुमंत शिंदे, पार्थ भालेराव, प्रतिक लाड, अभिनय बेर्डे, निखील बने, गौरव मोरे, रितुजा शिंदे, जुई बेंडखळे, गिरीष कुलकर्णी, यतीन कार्येकर, समीर धर्माधिकारी आणि ओम पाटील यांच्या प्रमुख भूमिका आहेत. त्यामुळे एकंदरच ही सगळी मंडळी कल्ला करणार हे निश्चित!
बॅाईज, बॅाईज २ आणि बॅाईज ३ मधील धैर्या, ढुंग्या आणि कबीरची मैत्री आपल्या सर्वांनाच माहित आहे. या मैत्रीने अवघ्या महाराष्टात धुमाकुळ घातला होता. मात्र टिझरमध्ये त्यांच्या या मैत्रीत आता दरार आल्याचे दिसत आहे. आता ही मैत्री संपुष्टात येणार की त्यांची ही गॅंग आणखी वाढणार, याचे उत्तर प्रेक्षकांना येत्या २० ॲाक्टोबरला मिळणार आहे. एवढे मात्र नक्की की हे अफलातून कलाकार यंदा तुफान धिंगाणा घालणार आहेत.
दिग्दर्शक विशाल देवरूखकर म्हणतात, ‘’ या त्रिकुटाच्या मैत्रीची सुरूवात, चांगल्या, वाईट प्रसंगी एकमेकांना दिलेली साथ, थट्टामस्करी यापूर्वीच्या तीन भागांमध्ये सर्वांनी पाहिलेली आहे. मात्र आता या मैत्रीत ट्विस्ट येणार आहे. ’बॉईज’ च्या प्रत्येक भागाने प्रेक्षकांचे भरभरून मनोरंजन केले. चित्रपटातील कलाकार जरी तेच असले तरी प्रत्येक वेळी आम्ही प्रेक्षकांसाठी कथेत नवनवीन वळणे आणली. यावेळीही असेच सरप्राईज आहे. त्यात आता आणखी जबरदस्त कलाकार सामील झाले आहेत. त्यामुळे आता ही धमाल चौपट झाली आहे. ‘’
सुप्रीम मोशन पिक्चर्स प्रा. लि. प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत या चित्रपटाचे लालासाहेब शिंदे, राजेंद्र शिंदे, संजय छाब्रिया निर्माते आहेत तर या चित्रपटाचे लेखन हृषिकेश कोळी यांनी केले आहे.
By Sunder M
Maujaan Hi Maujaan Trailer Launch: Bollywood Icon Salman Khan Joins Gippy Grewal to Set the Stage ablaze
The excitement reached its peak today as Bollywood superstar Salman Khan graced the trailer launch event of the much-anticipated Punjabi film “Maujaan Hi Maujaan.” Produced by Amardeep Grewal, this fun-filled extravaganza promises to be a rollercoaster ride of entertainment, and the presence of Salman Khan added a star-studded touch to the occasion.
Speaking about the film, the film is produced by sunshine productions. Gippy Grewal expressed his gratitude for the overwhelming support received from Bollywood stars. Salman Khan, in particular, took to Twitter recently to extend his best wishes to the “Maujaan Hi Maujaan” team.
“Maujaan Hi Maujaan” is set to be a game-changer in the Punjabi film industry, promising a perfect blend of laughter, love, and entertainment. With Gippy Grewal leading the charge and Salman Khan’s blessings, this movie is all set to win hearts and create a buzz not just in the Punjabi film industry but across borders.
Salmam expressed that movies should aim to rise beyond the 100-crore budget threshold and explore the potential of the 500 to 600-crore range, enabling filmmakers to create even more spectacular and globally appealing cinematic experiences.
Directed by the talented filmmaker
Smeep Kang, “Maujaan Hi Maujaan” promises to be a heartwarming and hilarious journey that will tug at your heartstrings while leaving you in splits. The film features an ensemble cast led by the renowned Punjabi actor Gippy Grewal, the comedy king Binnu Dhillon, and ever versatile Karmjit Anmol. It also stars Jimmy Sharma, Yograj Singh, Pakistani actor Nasir Chinyoti and beautiful actresses Tanu Grewal and Hashneen Chauhan
At its core, “Maujaan Hi Maujaan” explores the extraordinary lives of three brothers, each with unique challenges – one mute, one blind, and one deaf. Together, they embark on an unforgettable quest to find the right match for their sister. This heartwarming and laughter-inducing journey is sure to touch the hearts of audiences across the globe.
Producer Amardeep shared his excitement for the film’s release and added, “Maujaan Hi Maujaan is not just a film; it’s a celebration of life and love. We are proud of the talented cast and crew who have brought this unique story to life. We hope this film resonates with audiences of all ages and backgrounds.”
The film’s trailer has garnered support not only from Salman Khan but also from other renowned actors, including Sanjay Dutt, who shared the teaser on their Instagram platforms as a gesture of support.
By Sunder M
अभिनेता स्वप्नील जोशी आणि प्रसाद ओक यांनी आपल्या मिश्किल स्वभावाने मनोरंजनाचा गोडवा कायमच वाढवला आहे. सध्या मात्र हे दोघंही ‘जिलबी’ चा मनमुराद आस्वाद घेत तिचा गोडवा चाखतायेत. शूटिंग दरम्यान ‘कुछ मिठा हो जाये’ म्हणत या दोघांनी जिलबीवर येथेच्छ ताव मारला. आणि हो … ही ‘जिलबी’ ते प्रेक्षकांनाही देणार आहेत.
आनंद पंडित मोशन पिक्चर यांची निर्मिती असलेला ‘जिलबी’ चित्रपट लवकरच प्रेक्षकांच्या भेटीला येणार आहे सध्या या चित्रपटाचे जोरदार चित्रीकरण सुरु आहे. या चित्रीकरणाच्या वेळी धमाल जिलबीचा आस्वाद घेण्याचा मस्त बेत या दोघांनी नुकताच केला. केवळ प्लॅन करून हे दोघे थांबले नाहीत तर चित्रपटाच्या प्रसिद्धीसासाठी एक मजेशीर व्हिडिओ ही या दोघांनी बनवला. या व्हिडिओमध्ये चित्रपटाचे दिग्दर्शक नितीन कांबळे ही या दोघांची फिरकी घेतायेत.
स्वप्नील आणि प्रसाद हे दोघंही ‘जिलबी’ चित्रपटाच्या निमित्ताने पहिल्यांदाच एकत्र काम करताना दिसणार आहेत. दोन गोड माणसं एकत्र आल्यावर चित्रपटाचा ‘गोडवा’ नक्कीच वाढणार असं दिग्दर्शक नितीन कांबळे सांगतात. रसिक प्रेक्षकांचा आनंद द्विगुणीत करायला चांगला विषय प्रेक्षकांसाठी घेऊन येत असल्याचे निर्माते आनंद पंडित यांनी सांगितले.
या दोघांसोबत ‘जिलबी’ चित्रपटात शिवानी सुर्वे, पर्ण पेठे, गणेश यादव, प्रणव रावराणे,अश्विनी चावरे, प्रियांका भट्टाचार्य या कलाकारांच्या भूमिका आहेत.
कथा-पटकथा-संवाद मच्छिंद्र बुगडे यांचे आहेत. छायांकन गणेश उतेकर यांचे आहे. कलादिग्दर्शन कौशलसिंग यांचे असून क्रिएटिव्ह दिग्दर्शन राहुल व्ही.दुबे यांचे आहे. रूपा पंडित आणि राहुल व्ही.दुबे सहनिर्माते असून कार्यकारी निर्माते महेश चाबुकस्वार आहेत.
By Sunder M
मराठी चित्रपटात झळकणार विनय आनंद
बालपणापासून मराठमोळ्या वातावरणात वाढलेला, मराठीवर नितांत प्रेम करणारा, मराठीशी नाळ जोडलेला अभिनेता विनय आनंद मराठीसोबतचे ऋणानुबंध आणखी दृढ करण्यासाठी मराठी सिनेसृष्टीत एंट्री करत आहे. आजवर बऱ्याच हिंदी आणि भोजपुरी चित्रपटांमध्ये दिसलेला विनय आनंद लवकरच ऑनलाईन या मराठी चित्रपटात दिसणार आहे.
विनयने आज मनोरंजन विश्वात अभिनेता म्हणून आपली वेगळी ओळख निर्माण करण्यात यश मिळवलं असलं तरी त्याची दुसरी ओळख म्हणजे तो सुप्रसिद्ध अभिनेता गोविंदाचा भाचा आहे. १९९९पासून अभिनयात सक्रिय असणाऱ्या विनयने मराठमोळ्या महेश कोठारे दिग्दर्शित ‘लो मै आ गया’ या हिंदी चित्रपटाद्वारे रुपेरी पडद्यावर एंट्री केली आहे. त्यानंतर ‘सौतेला’, ‘माई के कर्ज’, ‘सेन्सॅार’, ‘दिल ने फिर याद किया’, ‘आमदनी अठन्नी खर्चा रुपैया’, ‘अंगार – द फायर’, ‘मुलाकात’, ‘जहां जाईएगा हमें पाईएगा’, ‘कूल नहीं हॅाट है हम’ या चित्रपटांमध्ये विविधांगी व्यक्तिरेखा साकारल्या आहेत. खूप मोठा चाहतावर्ग लाभलेल्या विनयने बऱ्याच चित्रपटांमध्ये मुख्य भूमिका साकारल्या असून ऑनलाईन या आगामी मराठी चित्रपटाद्वारे मराठी सिनेसृष्टीत दाखल होणार आहे. या चित्रपटाबाबतची माहिती सध्या तरी गुलदस्त्यात ठेवण्यात आली आहे. यात विनय कोणत्या भूमिकेत दिसणार? त्याच्या जोडीला कोणते कलाकार असणार? चित्रपटात नेमकं काय पाहायला मिळणार? या आणि अशा सर्वच प्रश्नांची उत्तरं लवकरच मिळणार आहेत. संगीतातही विनयनं योगदान दिलं आहे. त्याने भजनांसोबतच गणपतीची गाणीही गायली आहेत. त्याची बरीच गाणी युट्यूबवर उपलब्ध आहेत.
मराठीत एका चांगल्या विषयावर चित्रपट येत असल्याने यात काम करण्याचा निर्णय घेतल्याचं विनयचं म्हणणं आहे. याबाबत तो म्हणाला की, ऑनलाईन सिनेमाची स्क्रिप्ट आवडली म्हणून करत आहे. यासाठी माझी निवड केल्याबद्दल निर्माते आणि दिग्दर्शक यांचे आभार मानतो. मी दादा कोंडके, अशोक सराफ, महेश कोठारे, सचिन पिळगावकर, लक्ष्मीकांत बेर्डे यांचा खूप मोठा फॅन आहे. आपल्या पाहिल्या चित्रपटाचे चित्रीकरण कोल्हापूरमध्ये केलं त्यावेळी आई अंबाबाईचे दर्शन घेतले तो माझ्यासाठी खूप महत्वाचा क्षण होता. मराठी चित्रपट फक्त महाराष्ट्रात पाहिला जात असूनही धडाकेबाज बिझनेस करत आहे. हाच चित्रपट जर जगभर पाहिला गेला तर आणखी खूप चांगला व्यवसाय करेल. मराठी सिनेमा सर्वदूर पोहोचावा हि इच्छा असल्याने हे पाऊल उचललं आहे. राज साहेब ठाकरे यांनी मराठी चित्रपटांसाठी केलेले कार्य कधीही विसरता येणार नाही. यासाठी त्यांना धन्यवाद देतो असंही विनय म्हणाला.
By Sunder M
एका अनोख्या लढाईची कथा सांगणाऱ्या ‘जर्नी’चा ट्रेलर प्रदर्शित
सचिन जीवनराव दाभाडे निर्मित, दिग्दर्शित ‘जर्नी’ चित्रपटाचा रहस्यमय ट्रेलर नुकताच प्रदर्शित झाला आहे.
सचिन दाभाडे फिल्म्स प्रस्तुत या चित्रपटात शंतनु मोघे, शर्वरी जेमेनिस, शुभम मोरे, अंजली उजवणे, योगेश सोमण, ओमकार गोवर्धन, सुनील गोडबोले, मिलिंद दास्ताने, माही बुटाला, निखिल राठोड यांच्या प्रमुख भूमिका आहेत.
सचिन दाभाडे यांची कथा असणाऱ्या या चित्रपटाचे लेखन रवींद्र मठाधिकारी यांनी केले आहे. तर भास्कर देवेंग्रेकर, तानाजी माने, संतोष राठोड, अनिकेत अरविंद बुटाला हे ‘जर्नी’ चे सहनिर्माते आहेत.
थरारक अशा या ट्रेलरमधून एक मुलगा बेपत्ता झाल्याचे दिसत असून त्याचे पालक त्याला शोधण्याचा सर्वतोपरी प्रयत्न करत आहेत. आता हा मुलगा खरोखरच बेपत्ता झाला आहे की तो त्याच्या पालकांवर रूसून निघून गेला आहे? हा बेपत्ता मुलगा नक्की कुठे आहे, अवघड वाटेवर त्याला कोणत्या आव्हानांचा सामना करावा लागणार आणि हा प्रवास त्याला कुठे घेऊन जाणार, या सगळ्या प्रश्नांची उत्तरे प्रेक्षकांना १३ ॲाक्टोबरला मिळणार आहे.
दिग्दर्शक सचिन दाभाडे म्हणतात, ” ‘जर्नी’ हा चित्रपट सत्य घटनेवर आधारित आहे. आयुष्याशी, नात्यांशी आणि कुटुंबाशी असलेला संघर्ष यानिमित्ताने उलगडणार आहे. ही ‘जर्नी’ प्रेक्षकांना बरंच काही देणार आहे. आजच्या धकाधकीच्या जीवनात बऱ्याच गोष्टी मागे सुटत आहेत आणि त्याच पुन्हा परत आणण्याचा प्रयत्न ‘जर्नी’मध्ये करण्यात आला आहे.
प्रत्येक पालकांनी आपल्या पाल्यासोबत हा चित्रपट आवर्जून पाहावा.’’
-By Sunder M
कामगारांच्या ज्वलंत जीवनावर भाष्य करणारा ‘महासत्ता’ ‘अल्ट्रा झकास’ मराठी ओटीटीवर
इंग्रजांपासून आपल्या देशाला स्वतंत्र मिळवून देण्यासाठी अहिंसेच्या मार्गावर चालून महात्मा गांधींनी देशाला स्वतंत्र मिळवून दिले. त्यांच्या विचारांचा आदर्श घेऊन निर्माण झालेला ‘महासत्ता’ हा मल्टीस्टारर चित्रपट येत्या २९ सप्टेंबर २०२३ रोजी ‘अल्ट्रा झकास’ या मराठी ओटीटीवर प्रेक्षकांच्या मनोरंजनासाठी अवतारनार आहे.
‘महासत्ता’ या चित्रपटाचे दिग्दर्शन रमेश मोरे आणि निर्मिती रवी अग्रवाल यांनी केले असून अरुण नलावडे, अविनाश नारकर, मिलिंद शिंदे, संदेश जाधव, अश्विनी एकबोटे, शैला काणेकर आणि ज्योती सुभाष या नामवंत कलाकारांच्या अभिनयाने या चित्रपटाला वास्तवदर्शी जिवंतपणा आला आहे.
‘महासत्ता’ हा चित्रपट ७० कामगारांभोवती फिरतो जे त्यांच्या कुटुंबासाठी कर्तेधर्ते असून त्यांच्यावर कुटुंबाची पूर्ण जबाबदारी आहे. चेंबूरच्या एका मोठ्या कंपनीमध्ये काम करणारे कामगार ज्यांनी आपल्या आयुष्याचे १५ ते २० वर्ष कंपनीला दिले त्यांना कंपनीने कुठलीही पूर्व कल्पना न देता थेट कामावरून काढून टाकले, या अन्यायाविरुद्ध पुकारलेल्या बंडाचा आवाज म्हणजे ‘महासत्ता’ चित्रपट.
“८० च्या दशकात गिरणी कामगारांनी कंपन्यांविरुद्ध जो संप पुकारला होता, त्याचे उमटलेले पडसाद ठळक दाखवणारा ‘महासत्ता’ हा वास्तवदर्शी चित्रपट ‘अल्ट्रा झकास’ या आमच्या मराठी ओटीटीवर आम्ही प्रदर्शित करत आहोत.” असे अल्ट्रा मिडिया अँड एंटरटेनमेंट प्रा. लिमिटेडचे सी.इ.ओ. श्री सुशीलकुमार अग्रवाल म्हणाले.
अधिक माहितीसाठी www.ultrajhakaas.com ला भेट द्या. वास्तवदर्शी संघर्षाची कथा सांगणाऱ्या महासत्ता चित्रपटासोबतच झकास मनोरंजन, सदाबहार एकापेक्षा एक कौटुंबिक कथा, जबरदस्त अॅक्शन थ्रिलर चित्रपटांतील ड्रामा अनुभवण्यासाठी लगेच डाउनलोड करा ‘अल्ट्रा झकास ओटीटी’ ॲप आणि तुमच्या कुटुंबासोबत अमर्याद आनंद घ्या अल्ट्रा झकास वरील एचडी कन्टेंटचा.
*App link:*
https://ultrajhakaas.app.link
वास्तवदर्शी संघर्षाची कथा सांगणाऱ्या ‘महासत्ता’ चित्रपटाचे प्रोमो पाहण्यासाठी लिंक
https://www.facebook.com/UltraJhakaas
https://www.instagram.com/ultrajhakaas
https://www.youtube.com/@ultrajhakaas
Tweets by ultrajhakaas
-By Sunder M
वरदा आणि वैध निर्मित, प्रवेश प्रकाशित, विजय केंकरे दिग्दर्शित ‘आपण यांना पाहिलंत का?’ नवंकोरं नाटक लवकरच रंगभूमीवर
‘आपण यांना पाहिलंत का?’ धमाल नाटक लवकरच रंगभूमीवर
ज्येष्ठ दिग्दर्शक विजय केंकरे यांनी मराठी व्यावसायिक रंगभूमीवर दिग्दर्शनाची शंभरी पार केली आहे आणि आता ‘आपण यांना पाहिलंत का?’ हे नवं खुसखुशीत नाटक ते लवकरच रंगभूमीवर घेऊन येत आहे.
या नाटकाची निर्मिती आदिती देवेंद्र राव, वैशाली धनेश पोतदार यांनी केली आहे. सुशील स्वामी यांनी या नाटकाचं लेखन केलं आहे. वैवाहिक आयुष्याची बरीच वर्षे सोबत काढल्यावर नवरा बायको नकळतपणे एकमेकांना ग्राह्य धरू लागतात. ते सुखी तर असतात, पण त्यांच्या संसारात पोकळी नेहमी जाणवत राहत असते, ती पोकळी कोणी एक व्यक्ती भरून काढतं, ती व्यक्ती त्या जोडप्यांच्या संसारात कधी कधी दिसते, तर कधी नाही दिसत, पण त्यां व्यक्तीच्या असण्याने जो संसार कंटाळवाणा झालाले आहे तो अचनाकपणे ताजातवाना होतो. त्याच्या येण्याने जी काही गंमत संसारात होऊ शकते ती सर्व गंमत ‘आपण यांना पाहिलंत का?’ या नाटकामध्ये प्रेक्षकांना अनुभवायला मिळणार आहे.
विजय केंकरे यांनी पती-पत्नीच्या नात्याचा वेध घेणारी अनेक नाटकं दिग्दर्शित केली आहेत. कसदार दिग्दर्शनातून नेमक्या पद्धतीनं आजच्या काळावर ते नाटकातून भाष्य करतात. त्यातच पती-पत्नी, नातेसंबंध हा विषय प्रत्येक काळात कालसुसंगत असतो. त्यामुळे ‘आपण यांना पाहिलंत का?’ या नाटकात आता काय धमाल अनुभवायला मिळणार याची उत्सुकता आहे.
By Sunder M
‘बॅाईज ४’मध्ये झळकणार दमदार कलाकारांची फळी
बॅाईज, बॅाईज २, बॅाईज ३ बॅाक्स ॲाफिसवर धुमाकूळ घातल्यानंतर आता या बॅाईजची ही धमाल चौपट पटीने वाढणार आहे. कारण ‘बॅाईज ४’ लवकरच प्रेक्षकांच्या भेटीला येत आहे. या चित्रपटातील कलाकारांनी आपल्या सहकलाकारांचे पोस्टर सोशल मीडियावर शेअर करत असतानाच अखेर सर्वांचे असे एक पोस्टर नुकतेच झळकले आहे. त्यामुळे आता ‘बॅाईज ४’मध्ये या मोठ्या गॅंगची धमाल पाहायला मिळेल. सुमंत शिंदे, पार्थ भालेराव आणि प्रतिक लाड यांच्यासोबत बॅाईजमध्ये झळकलेली ऋतिका श्रोत्री ‘बॅाईज ४’मध्येही दिसणार असून यात अभिनय बेर्डे, निखील बने, गौरव मोरे, रितुजा शिंदे, जुई बेंडखळे ही नवी गॅंगही सहभागी झाली आहे. या व्यतिरिक्त या चित्रपटात गिरीष कुलकर्णी, यतीन कार्येकर, समीर धर्माधिकारी आणि ओम पाटील यांच्याही प्रमुख भूमिका आहेत. त्यामुळे जबरदस्त कलाकारांची ही फळी तुफान मस्ती करताना दिसणार आहे.
‘बॅाईज’ हा मराठी सिमेसृष्टीतील पहिला चित्रपट आहे, ज्याचे चार भाग आले आहेत आणि यातील प्रत्येक भागात काहीतरी सरप्राईज होते. आता ‘बॅाईज ४’ मध्येही कलाकारांची जबरदस्त फळी दिसत आहे. आता यात कोणाच्या काय व्यक्तिरेखा आहेत आणि कोण काय काय धमाल करणार आहेत, हे मात्र २० ॲाक्टोबरला ‘बॅाईज’ आल्यावरच कळेल. सुप्रीम मोशन पिक्चर्स प्रा. लि. प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत या चित्रपटाचे लालासाहेब शिंदे, राजेंद्र शिंदे, संजय छाब्रिया निर्माते आहेत तर विशाल सखाराम देवरूखकर दिग्दर्शित या चित्रपटाचे लेखन हृषिकेश कोळी यांनी केले आहे.
दिग्दर्शक विशाल देवरूखकर म्हणतात, ‘’ आतापर्यंत धैर्या, ढुंग्या आणि कबीरची मस्ती तुम्ही पाहिली आता ही मस्ती आणखी वाढणार आहे. ‘बॅाईज ४’ मल्टीस्टारर फिल्म आहे त्यामुळे यांची मस्तीही मल्टीपल होणार आहे. शाळा, ज्युनियर कॅालेज नंतरचा ‘बॅाईज’चा हा डिग्रीचा प्रवास सुरू होणार आहे.’’
By Sunder M
